Baibul Khui Oeh Khawsa Caakhi (Sons of God) a Ti ve U-khi aw, Ikoe a Ti Ngahnak aw?(Genesis 6:2).

Baibun Khui Oeh Khawsa Caakhi (Sons of God) a Tive U-khi aw, Ikoe a Ti Ngahnaak aw?(Genesis 6:2).

    Sons of God..."The sons of God" tive poeknaak 3 na ni hu tha hue. Ak cuek soeih oehtoe khanthlangkhi (fallen angels) eng M'dek khan oehkoe nula-khi mi thot unoeh nephilim (Heb. נפילים) caa lona hue u ti hue u. Ve mueihna ve mdekkhan chon ak cueknaak (1century CE) tloek oeh Hebru thlang khuikhing ak sim Flavius Josephus, Philo, Eusebius moe ak changkhi "Ante-Nicene Fathers," khi Justin Martyr, Clement of Alexandria, Origen, Tertullian, Irenaeus, Athenagoras moe Commodianus khi engve anang dueih lo puei hue u.

    Anghihnaak (2) nak oehtoe Julius Africanus eng (third century CE) chon am thumnaak oeh qoen soe, anih ak bawngkhi na Saint Augustine, the Catholic Bishop of Hippo. Augustine engve khanthlang ak hlawng (fallen angels) khi eng nu-khi moe thot ani thot ce amhatlakna hue. Augustine ak ca uk “The City of God" oehve “the sons of God" khi ve Seth a caathlahkhi ni ti hue. Seth ve Kaai (Cain) a caa hlah na a awmnak a dawng oeh ak cim Khawsa bawkbaeknaak ve ak saersakkungna awm hue ti hue u.

    A pakthumnaak 3 naak toe " the son of God" khive Tuilii( flood) a awm hlan oehkoe ukkungkhi ni ti hue u.Vemueihna ang dueih pueikhi ve Judah congpueikungna ak awm rhoi Rabbi Shlomo Yitzchaki (Rashi) moe Rabbi Moshe ben Nachman (Nachmanides) eng dueihpuei hue nih. Veve toe thlang akzoica eng ni akpom hue.

A Konglam Tengnaak

    Sons of God ve vekrhoi pakhih khui oeh matmat ning dueihpuei soe nep kom ti hue nueng.Khanthlang ak hlawng moe thlangxing (Fallen angels moe Human being)ti ve.

    "Sons of God" ve Khan thlang ak hlawng ( fallen angels) ni ak ti-khi eng ve Baibun Job 1:6, 2:1 ; Job 38:7, cf. Psalm 89:6; Daniel 3:25 oeh veng duei hue u. Vemueih Baibul ve khawyah awm huen hue, khanthlang mi thot ak pohkhi Sodom moe Komorah Genesis 19: 1-5 kho oeh koe khi a cu na. Angel engve nu pa niinaak (marriage) amta moe soenum Khawsa awi koengngai noeh angtlak khoen oehtoe thot niinaak ta tha hue tinaak ni. Aveve Sodom moe Komorah kho oeh koe-khi eng ni hu tha hue. A cemueihna khanthlang ak hlawngkhi (fallen angels) eng thlang a canu-khi a thot puei a dawng oeh Noah a xing hui oeh thlang angrhoi (giant) aniti uve a awm hue. Ace a dawng oeh Khawsa eng Khan thlangkhi (fallen angel) ve thawng ak thlakna awm hue (1 Piter 3: 18 – 20; Jut 6).

     Khawm M'dekkhan thlangkhi awm " Sons of God" ni tive Baibun khui oeh khawyahna ni hu tha hue.(cf. Dt 14:1, 32:5, Ps 73:15, Is 43:6-7, Hos 1:10, 11:1, Lk 3:38, 1 Jn 3:1-2, 10...... etc, M'dekkhan thlang ni tinoeh pawmnaak engve ni Boipa Jesuh khrih eng Khan khona ce nupa niinaak, chungvanaak amawmna a ti moe balo hue.Mathai 22: 30, Luka:20:34-36 khuikhi oeh ni teok oehtoe khanthlangkhi ve nu pa ti amawm hue ti ni hu hue. Ace a dawngoeh Khanthlang eng ce thlang a caanu-khi am thot puei ti voe ti ni poek hue.

    A boetnaak oehtoe, ve a kong oehve vek pom ngah ngah tice kuei hue, ak choei oehkoe pakhih khui oeh matmat nik pom soe nep bit kom tinoeh ngai hue nueng.